काठमाडौँको – गोकर्णेश्वर नगरपालिकाले गर्यो स्थानीय पाठ्यक्रको स्थलगत अवलोकनको थालनी।

शुक्रवार नगर प्रमुख दिपक रिसालले कार्यक्रमको शुभारम्भ गर्दै गोकर्णेश्वर नगरपालिका स्थानीय पाठ्यक्रमको स्थलगत अवलोकन कार्यक्रम लागू गर्ने नेपालकै पहिलो नगरपालिका भएको बताएका छन् ।

नगरपालिकाको शिक्षा, युवा तथा खेलकुद शाखाले गोकर्णेश्वर महादेव मन्दिरको प्रांगणमा एक कार्यक्रम आयोजना गरि स्थलगत अवलोकन कार्यक्रमको शुभारम्भ गरेको हो ।

गोकर्णेश्वरले २०७६ सालमा नेपालमै पहिलो पटक स्थानीय पाठ्यपुस्तक तयार गरेको थियो । उसले कक्षा १ देखि ८ कक्षा सम्मका स्थानीय पाठ्यपुस्तक तयार गरि लागू गरेको छ भनें कक्षा १ को डिजिटल पाठ्यपुस्तक समेत तयार गरेर नगरपालिकाका सबै विद्यालयहरुमा लागु  गरिसकेको छ ।

शुक्रबार विद्यार्थीहरुलाई गोकर्णेश्वर मन्दिरको बारेमा पाठ्यपुस्तकमा पढाइने मन्दिर क्षेत्रको स्थलगत अवलोकन गराईएक थियो । उक्त कार्यक्रममा १४ वटा सामुदायिक विद्यालयका विद्यार्थीहरु सहभागि भएका थिए ।

विद्यार्थीहरुलाई मन्दिरको ऐतिहासिकता तथा धार्मिक, सांस्कृतिक महत्वबारे जानकारी गराइएको थियो । थलगत अवलोकन कार्यक्रम शुभारम्भको अवसरमा १४ वटै सामुदायिक विद्यालयका प्रधानाध्यापक तथा विषय शिक्षकले सहभागिता रहेको थियो  ।

विद्यार्थीको ज्ञान, सीप र क्षमतामा थप विकास गर्ने उद्देश्यले  स्थानीय पाठ्यक्रमको प्रभावकारी कार्यान्वयनको स्थलगत अवलोकन थालिएको नगर प्रमुख रिसालले बताएका छन् ।

नगरपालिका भित्र सञ्चालित पेशा, व्यवसाय, धार्मिक तथा पर्यटकीय स्थलबारे विद्यार्थीलाई दृश्य मार्फत सिकाउने उद्देश्यले स्थलगत अवलोकन कार्यक्रम थालिएको हो । शिक्षा क्षेत्रलाई प्रविधिसँग विस्तार गर्ने कार्यक्रम समेत नगरपालिकाले गर्दै आएको छ ।