कुशे औंसीमा पशुपतिनाथमा स्वच्छता अभियान, ८९० केजी फोहोर संकलन।
कुशे औंसीमा पशुपतिनाथमा स्वच्छता अभियान, ८९० केजी फोहोर संकलन
काठमाडौं – कुशे औंसीका अवसरमा शनिबार उपत्यकामा स्वच्छता प्रवर्द्धनको महत्वपूर्ण कार्यक्रम सम्पन्न भएको छ। “दिव्य पशुपतिनाथ अभियान” अन्तर्गत आयोजित यस कार्यक्रममा करिव ८९० किलो फोहोर संकलन गरिएको छ।
कार्यक्रममा उपत्यका ट्राफिक प्रहरी प्रमुख श्री नवराज अधिकारी ज्यु, करिव १०० जना ट्राफिक प्रहरी, साथै CCRC Club, मैनादेवी फाउण्डेसन र क्रेसन नेपालको स्वयंसेवकहरूले सक्रिय सहभागिता जनाएका थिए।
अभियानको मुख्य उद्देश्य “म बद्लिन्छु अनि मेरो देश बद्लिन्छ” भन्ने संकल्पअनुसार वातावरण संरक्षण र सार्वजनिक स्थलमा स्वच्छता प्रवर्द्धन गर्नु रहेको आयोजकले बताएका छन्। सहभागीहरूले पशुपतिनाथ क्षेत्रको फुटपाथ, वरिपरिको सडक र सार्वजनिक स्थलमा फैलिएको फोहोर सफा गर्ने कार्यमा विशेष योगदान दिएका थिए।
उपत्यका ट्राफिक प्रहरी प्रमुख नवराज अधिकारीले कार्यक्रमको उद्घाटन गर्दै सबै सहभागीहरूलाई सराहना गरे र भन्नुभयो, “स्वच्छता मात्र हाम्रो व्यक्तिगत जिम्मेवारी नभई राष्ट्रिय कर्तव्य पनि हो। यस्तो अभियानहरूले हाम्रो सांस्कृतिक र धार्मिक स्थललाई सुन्दर बनाउँछ र पर्यटकलाई सकारात्मक संदेश दिन्छ।”
स्वयंसेवकहरू र ट्राफिक प्रहरीले फोहोर संकलनको अतिरिक्त प्लास्टिक, कागज, र अन्य अपशिष्टलाई वर्गीकृत गरेर पुनःप्रयोगयोग्य र गैरप्रयोगयोग्य रूपमा छुट्याए। आयोजक संस्थाहरूले यस अभियानलाई नियमित रूपमा सञ्चालन गर्ने योजना पनि सार्वजनिक गरे।
अभियानमा सहभागी स्वयंसेवकहरूले आफ्नो अनुभव व्यक्त गर्दै, “हामीले हाम्रो क्षेत्रमा सकारात्मक परिवर्तन ल्याउन सक्छौं। सानो योगदानले पनि ठूलो प्रभाव पार्छ,” भनेका थिए।
“दिव्य पशुपतिनाथ अभियान” अब एक वर्षसम्म नियमित रूपमा सञ्चालन हुने बताइएको छ, जसअन्तर्गत उपत्यकाका प्रमुख धार्मिक स्थलहरू, पार्कहरू, सडक छेउका क्षेत्रहरूमा स्वच्छता कार्यक्रमलाई निरन्तरता दिइनेछ।
कार्यक्रमले स्थानीय समुदाय, धार्मिक स्थलका दर्शनार्थी र सर्वसाधारणमा स्वच्छता सम्बन्धी सचेतना फैलाउने कार्यमा महत्वपूर्ण भूमिका खेलेको आयोजकहरूले बताए।
