प्रचण्डको चेतावनी: “पार्टीको रोग सबैमा सरेको छ, चोखो ठान्नु हुन्न।”

काठमाडौं, जेठ १८, २०८२ — नेकपा (माओवादी केन्द्र) का अध्यक्ष तथा प्रधानमन्त्री पुष्पकमल दाहाल ‘प्रचण्ड’ले जनक्रान्तिको धारणा र स्वरूप अहिलेको परिवर्तित अवस्थामा मौलिक रूपमा रूपान्तरण भइसकेको बताएका छन्। आइतबार काठमाडौंमा आयोजित युवाको संगठन युवा कम्युनिस्ट लिग (YCL) को सम्मेलनलाई सम्बोधन गर्दै उनले यस्तो बताएका हुन्।

“हामीले सोचेको जस्तो जनवादी क्रान्ति सिधा र सरल ढंगमा सम्पन्न भएन,” उनले भने, “आजको क्रान्ति परिवर्तनशील छ। यो पुरानै किसिमको क्रान्ति होइन। जनताको बलिदानबाट प्राप्त भएको उपलब्धि हो। सामन्तवादको जर उखालेर नयाँ समाज निर्माणको बाटो खोलिएको छ।”

प्रधानमन्त्री प्रचण्डले अहिलेको क्रान्तिलाई केवल पुस्तकको आधारमा होइन, वस्तुगत परिस्थिति बुझेको आधारमा जनताले नेतृत्व गर्नुपर्ने बताए। उनले लेनिनको भनाइ उद्धृत गर्दै भने, “क्रान्ति क्रान्तिकारीहरूले मात्र होइन, जनताले समय अनुसार बुझेर लड्नुपर्ने महान कार्य हो।”

उनले समानुपातिक, समावेशी लोकतन्त्रलाई नै नेपाली जनताले रोजेको मार्गको रूपमा व्याख्या गर्दै भने, “यो परम्परागत संसदीय प्रजातन्त्र होइन। तर यथास्थितिवादीहरूले गणतन्त्रलाई संसदीय प्रजातन्त्रकै नाममा भ्रम फैलाउने काम गरिरहेका छन्।”

प्रचण्डले जनयुद्धको सन्दर्भ पनि उल्लेख गर्दै पार्टीभित्र देखा परेको समस्याको आलोचना गरे। “जनयुद्धको समयमा मैले घुम्तीको बाटो समाउनुपर्ने, राजतन्त्रविरुद्ध गाउँगाउँमा प्रतिवाद गर्नुपर्ने निर्देशन दिएको थिएँ। अहिले पार्टीभित्र जुन समस्या देखिएको छ, त्यो रोग जस्तै सबैमा सर्ने खालको हो। हांगा-फेद हुँदै सल्किनु स्वाभाविक हो,” उनले भने।

यद्यपि, उनले नेताहरूले आफैंलाई निर्दोष सावित गर्ने प्रयास नगर्न पनि चेतावनी दिए। “त्यो समस्या सबैमा फैलिएको छ भनेर तपाईंहरू चोखिनुहुन्छ भन्ने छैन,” उनले प्रष्ट पारे।