मंसिंह धर्म माध्यमिक विद्यालयको एसईई २०८१: शैक्षिक उन्नति र समर्पणको उज्यालो प्रतिबिम्ब।

मंसिंह धर्म माध्यमिक विद्यालयको एसईई २०८१: शैक्षिक उन्नति र समर्पणको उज्यालो प्रतिबिम्ब

    मानसिंह धर्म माध्यमिक    विद्यालयले यस वर्षको माध्यमिक शिक्षा परीक्षा (SEE) 2081 मा उल्लेखनीय सफलता हासिल गरेको छ। सार्वजनिक गरिएको नतिजाले विद्यालयको समर्पित नेतृत्व, शिक्षकहरूको परिश्रम, विद्यार्थीहरूको लगनशीलता र अभिभावकहरूको साथलाई एकैसाथ उजागर गरेको हो।

शिक्षा केवल परीक्षा उत्तीर्ण गर्नु मात्र नभई समग्र व्यक्तित्व विकास र उज्जवल भविष्य निर्माणको आधार हो भन्ने भावनालाई आत्मसात गर्दै मंसिंह धर्म माध्यमिक विद्यालयले   यस बर्ष SEE मा डिपेश चन्त्यालले सबैभन्दा उत्कृष्ट प्रदर्शन गर्दै GPA 3.87 ल्याएर विद्यालय टप गरेका छन्। उनका साथै साफल गिरी (3.84), बिशाल श्रेष्ठ (3.83), सुदिप पराजुली (3.79), प्रतिभा बोहरा (3.73), स्मृती लामा (3.69), स्नेहा लामा (3.66), अशिका पुडासैनी (3.65) लगायतका विद्यार्थीहरूले 3.60 भन्दा माथि GPA ल्याएर विद्यालयको शैक्षिक प्रगतिमा चम्किलो उदाहरण पेश गरेका हुन् ।

यसरी उत्कृष्ट नतिजा ल्याउने विद्यार्थीहरूको संख्या विगत वर्षहरूभन्दा उल्लेखनीय रूपमा बढेको देखिन्छ, जसले विद्यालयको शैक्षिक गुणस्तरमा आएको सुधारलाई प्रस्ट्याउँछ।

यस वर्ष कुल ६९ जना विद्यार्थीले SEE परीक्षा दिएका थिए। जसमध्ये अधिकांश विद्यार्थीले GPA 3.0 भन्दा माथि प्राप्त गरेका छन्। सम्पूर्ण विद्यार्थीको GPA विवरण हेर्दा शिक्षा पद्धतिमा व्यापक सुधार आएको  देखिन्छ ।

गुणस्तरीय शिक्षा दिनका लागि विद्यालयले लिएको समर्पण, समयमै पाठ्यक्रम सम्पन्न गर्ने कार्य, अतिरिक्त कक्षा तथा अभ्यास परिक्षा सञ्चालन, शिक्षकीय तालिम र विद्यार्थी केन्द्रित पठनपाठन विधिहरूले प्रत्यक्ष प्रभाव पारेको देखिन्छ।

विद्यालयका प्रधानाध्यापक केदारप्रसाद गजुरेलको नेतृत्वमा विद्यालयले शिक्षामा गुणस्तरीय सुधार ल्याउने योजना अनुसार कार्यान्वयन गर्दै आएको छ। शिक्षकमात्र नभई अभिभावकहरूसँगको नियमित समन्वय, विद्यार्थीको मनोविज्ञान बुझ्ने प्रयास र नियमित मूल्यांकन प्रणालीले विद्यार्थीहरूलाई प्रोत्साहन गरेको छ।

विद्यालयले पछिल्लो समय शिक्षकहरूलाई समय समयमा अभिमुखीकरण तालिम, ICT आधारित शिक्षण विधि, मनोसामाजिक परामर्श तालिम र शैक्षिक सेमिनारहरूमा सहभागी गराउँदै आएको छ। यसले शिक्षणको स्तर उकास्न उल्लेखनीय भूमिका खेलेको देखिन्छ।

SEE को नतिजा विश्लेषण गर्दा विद्यालयमा विविध जातजाति, समुदाय र आर्थिक पृष्ठभूमिका विद्यार्थीहरूको सहभागिता देखिन्छ। यस्तो विविधताको बाबजुद पनि विद्यालयले सबैलाई समान अवसर दिँदै गुणस्तरीय शिक्षा प्रदान गरिरहेको छ। यस वर्षको परीक्षामा उपत्यका भित्र र बाहिरका विभिन्न समुदायबाट आएका विद्यार्थीहरूले समेत उत्कृष्ट प्रदर्शन गर्नु विद्यालयको समावेशी र समर्पित शिक्षण शैलीको प्रमाण हो।

नतिजा विश्लेषण गर्दा महिला विद्यार्थीहरूको संख्यात्मक र गुणात्मक उपस्थिति उत्साहजनक देखिन्छ। स्मृती लामा, स्नेहा लामा, अशिका पुडासैनी, प्रतिभा बोहरा, स्मृति पचाभैया लगायतका विद्यार्थीहरूले उच्च GPA हासिल गरेर महिला शिक्षामा सकारात्मक संकेत देखाएका छन्। यसले विद्यालयको लैङ्गिक समानताको दृष्टिकोणलाई समेत उजागर गरेेको छ।

विद्यालयको यशस्वी यात्रामा अभिभावकको निरन्तर विश्वास, समुदायको सक्रिय सहभागिता र विद्यालय व्यवस्थापन समितिको प्रगतिशील सोचको ठूलो भूमिका रहेको छ। विद्यालयले अभिभावकहरूसँग नियमित छलफल, विद्यार्थीको प्रगति प्रतिवेदन आदानप्रदान, घर–विद्यालय समन्वय कार्यक्रम सञ्चालन गर्दै आइरहेको छ।

यसैका आधारमा आज विद्यालयप्रति स्थानीय समुदायको भरोसा अझ बढ्दो क्रममा छ।

SEE 2081 को सकारात्मक नतिजाले विद्यालयमा आत्मबल बढाएको छ। विद्यालयले अब आगामी शैक्षिक वर्षहरूमा थप योजनाबद्ध ढंगले नयाँ शैक्षिक कार्यक्रम, प्रयोगशाला र पुस्तकालय सुधार, प्राविधिक शिक्षा सञ्चालन, STEM शिक्षा प्रवर्धन, अतिरिक्त क्रियाकलाप विस्तार र बालमैत्री वातावरण निर्माणमा विशेष जोड दिने बताएको छ।

प्रधानाध्यापक गजुरेलका अनुसार, “हामी केवल अंकमा होइन, जीवनका हरेक पक्षमा विद्यार्थीहरू सक्षम बनाउने दिशामा अघि बढिरहेका छौं। SEE को यस सफलताले हाम्रो विश्वासलाई थप मजबुत बनाएको छ।”

श्री मंसिंह धर्म माध्यमिक विद्यालयको SEE 2081 को नतिजा केवल अंकको परिणाम होइन, यो विद्यालयको दीर्घकालीन प्रतिबद्धता, शिक्षण गुणस्तर, समुदायको विश्वास र विद्यार्थीहरूको मेहनतको सफल फसल हो। यस्तो सफलताले विद्यालयलाई अझ बढी उत्साही बनाउँदै आगामी दिनमा अझ प्रगतिशील शिक्षण अभ्यासमा उकास्ने विश्वास गरिएको छ।