मर्मतको लागि पोखरा लगिएको विमान दुर्घटनाग्रस्त घटनस्थल बाट १८शब फेेला।
नेपाल नागरिक उड्डयन प्राधिकरण (क्यान)का अनुसार दुर्घटनास्थलबाट १८ जनाको शव फेला परेको छ भने भग्नावशेषबाट एक जनाको उद्धार गरिएको छ । पाइलट मनिष शाक्य अहिले केएमसी अस्पतालमा उपचाररत छन् ।
सौर्य एयरलाइन्सको विमान ९एन-एएमई (CRJ7) बिहान करिब ११ः११ मा काठमाडौंबाट पोखराका लागि उडेको केही समयपछि नै दुर्घटना भएको हो । विमान उडेको तुरुन्तै रनवेबाट टाढिएको थियो र रनवेको पूर्वमा दुर्घटनाग्रस्त भएको थियो।
उद्धार कार्य तुरुन्तै गरिएको थियो र आगो निभाइएको थियो, CAAN ले रिपोर्ट गरेको छ।
विमानमा १९ जना यात्रु सवार थिए र सबै एयरलाइन्सका कर्मचारी थिए ।
पोखरा क्षेत्रीय विमानस्थलको मर्मतसम्भार ह्याङ्गरमा मर्मतका लागि विमान पोखरा लगिएको थियो ।
दुर्घटनापछि उद्धारका लागि त्रिभुवन अन्तर्राष्ट्रिय विमानस्थल बन्द गरिएको छ । उद्धार कार्य सकिएपछि अहिले विमानस्थल पुनः सञ्चालनमा आएको छ ।
यसैबीच मृतकको शव पोष्टमार्टमका लागि शिक्षण अस्पताल लगिएको प्रहरीले जनाएको छ ।
