वरिष्ठ गायिका इन्दिरा गोले गुरुङको क्यान्सरबाट निधन।
वरिष्ठ गायिका इन्दिरा गोले गुरुङको क्यान्सरबाट निधन
काठमाडौँ । नेपाली संगीत क्षेत्र एक महान धरोहर गुमाएको छ। चर्चित लोकगायिका इन्दिरा गोले गुरुङ अब यो संसारमा रहनु भएन। लामो समयदेखि क्यान्सर रोगसँग लडिरहनु भएकी गुरुङको निधन भदौ १८ गते, बिहान २ बजे ललितपुरको हात्तीवनस्थित आफ्नै अपार्टमेन्टमा भयो।
संगीतप्रेमीका लागि यो खबर अत्यन्त दुःखद छ। करिब पाँच दशकदेखि नेपाली संगीतलाई जगेर्ना गर्ने काममा निरन्तर लागिरहनु भएकी गुरुङको स्वर अब प्रत्यक्ष सुन्न पाइनँ। तर उहाँले गाएका अमर गीतहरूले भने सधैं उहाँलाई जीवित राख्नेछन्।
लोक र आधुनिक दुवै शैलीमा समान रूपमा प्रिय रहेकी गुरुङका थुप्रै गीतहरूले नेपाली मनमा गहिरो छाप छोडेका छन्। उहाँका चर्चित गीतहरूमा “डोलखा भीमसेन”, “नजर आइरन्छन् झ्यालबाट”, “शिरैमा लाग्ने शिरफूल”, “म छोरो परदेश गई बस्दा”, “आह सानु जुरेलि”, “सन्नानी बोला बोला”, “यसपाली दशैंमा”, र “खुसी लिएर आउने छ परदेशी” आदि समावेश छन्। यी गीतहरूले नेपाली समाज, संस्कृति, प्रेम–वियोग र परदेशी जीवनका भावनालाई संगीतमा समेटेका छन्। आज पनि यी गीतहरू गाउँघरमा गुञ्जिरहन्छन्, रेडियो–टेलिभिजनमा बजिरहन्छन् र मानिसहरूको हृदयमा जिउँदै छन्।
गुरुङको निधनसँगै सामाजिक सञ्जालदेखि संगीत मंचसम्म श्रद्धाञ्जलीको लहर छाएको छ। कलाकार, साहित्यकार, संगीतकार र सर्वसाधारण सबैले उहाँलाई ‘नेपाली लोकसंगीतकी आधारशिला’ भन्दै स्मरण गरेका छन्। उहाँको स्वरलाई धेरैले आफ्नो जीवनको सम्झना, भावनाको अभिव्यक्ति र संस्कृतिको अभिन्न अंगका रूपमा अनुभव गरेका छन्।
नेपाली लोकसंगीतलाई आधुनिक स्वादमा प्रस्तुत गर्दै नयाँ पुस्तामा लोकप्रिय बनाउन गुरुङको योगदान अमूल्य रह्यो। उहाँका गीतहरूले गाउँघरका कथा, परदेशी जीवनका पीडा, प्रेम र सम्बन्धका संवेदना सबैलाई एकै साथ बोके। त्यसैले उहाँलाई ‘नेपाली संगीतको धरोहर’ भनेर सम्मान गरिन्छ।
आज नेपाली संगीत क्षेत्र शोकाकुल छ। तर, गुरुङको स्वर, उहाँका गीत र उहाँले बोकेको सन्देश भने कहिल्यै हराउने छैनन्। उहाँलाई गहिरो श्रद्धाञ्जली अर्पण गर्दै संगीतप्रेमीहरूले भनेका छन् – “उहाँ गइहाल्नुभयो, तर उहाँको आवाज सधैं हामीसँग रहिरहनेछ।”
