​”इरानमा महासंकट: ट्रम्पले भने— ‘खामेनी मारिए, इरान अब ध्वस्त भइसक्यो'”

अमेरिकी राष्ट्रपति डोनाल्ड ट्रम्पले इरानका सर्वोच्च नेता आयतोल्लाह अली खामेनीको मृत्यु भएको सनसनीपूर्ण दाबी गरेका छन्। आफ्नो सामाजिक सञ्जाल ‘ट्रुथ सोसल’ मार्फत एक विज्ञप्ति जारी गर्दै ट्रम्पले खामेनीलाई “इतिहासकै क्रूर व्यक्ति” को संज्ञा दिँदै उनको अन्त्य भएको घोषणा गरेका हुन्।
​
​ट्रम्पले आफ्नो पोस्टमा इजरायल र अमेरिकी गुप्तचर निकायको संयुक्त प्रयासमा खामेनीलाई पछ्याउन सफल भएको उल्लेख गरेका छन्। उनले लेखेका छन्, “खामेनीको मृत्यु इरानी जनता र आतंकवादबाट पीडित विश्वका सबैका लागि न्याय हो। हाम्रा अत्याधुनिक ट्र्याकिङ सिस्टमबाट उनी उम्कन सकेनन्।”
​ट्रम्पले अगाडि थपेका छन् कि इरानमा गरिएको भीषण बमबारीले त्यहाँको सैन्य संरचनालाई ‘ध्वस्त’ पारेको छ र यो अभियान शान्ति स्थापना नभएसम्म जारी रहनेछ।
​
​राष्ट्रपति ट्रम्पले इरानको इस्लामिक रिभोलुसनरी गार्ड कप्र्स (IRGC) र प्रहरी बललाई हतियार बिसाउन र ‘इरानी देशभक्त’हरूसँग मिल्न आह्वान गरेका छन्। उनले चेतावनी दिँदै भनेका छन्, “अहिले आत्मसमर्पण गरे माफी (Immunity) मिल्नेछ, तर ढिलो गरे मृत्यु मात्र हात लाग्नेछ।”
​व
​ट्रम्पको यो दाबीसँगै विश्वभरि नै तरङ्ग पैदा भएको छ। यद्यपि, इरानको सरकारी सञ्चारमाध्यमले भने यो समाचारको पुष्टि गरेको छैन। इरानले खामेनी अझै सुरक्षित रहेको र अमेरिकी दाबी ‘मनोवैज्ञानिक युद्ध’ मात्र भएको बताएको छ।
​
​अमेरिका/इजरायल: खामेनी मारिएको र इरानी शासन व्यवस्था ढल्ने अवस्थामा पुगेको दाबी।
​इरान: आक्रमणको बदला लिने चेतावनी र सर्वोच्च नेता जीवितै रहेको खण्डन।
​अन्तर्राष्ट्रिय प्रतिक्रिया: संयुक्त राष्ट्र संघ र विश्वका प्रमुख शक्ति राष्ट्रहरूले संयमता अपनाउन आग्रह गरिरहेका छन्।