बेलकोटगढी नगरपालिकाद्वारा नदीजन्य पदार्थ उत्खनन र निकासीमा रोक

बेलकोटगढी नगरपालिकाद्वारा नदीजन्य पदार्थ उत्खनन र निकासीमा रोक
​बेलकोटगढी, १५ असार २०८३: बेलकोटगढी नगरपालिकाले वर्षायामलाई लक्षित गर्दै असार १३ गतेदेखि लागू हुने गरी नगर क्षेत्रभित्रका नदी तथा खोलाहरूबाट हुने नदीजन्य पदार्थको उत्खनन, संकलन र निकासी कार्यमा पूर्ण रोक लगाएको छ।
​मनसुन सुरु भएसँगै खोलानालामा पानीको बहाव बढ्ने र यस अवधिमा गरिने उत्खननले प्राकृतिक विपद्को जोखिम निम्त्याउन सक्ने भन्दै नगरपालिकाले यस्तो निर्णय गरेको हो। नगरपालिकाको वातावरण संरक्षण तथा विपद् व्यवस्थापन शाखाले असार १२ गते जारी गरेको सूचनामा, अर्को सूचना जारी नभएसम्मका लागि नदीजन्य पदार्थको उत्खनन, संकलन र ओसारपसार कार्य पूर्णतः निषेध गरिएको उल्लेख छ।
​नगरपालिकाले तोकिएको समयभन्दा अगाडि वा पछाडि कुनै पनि व्यक्ति वा संस्थाले नदीजन्य पदार्थ उत्खनन गरेको पाइएमा प्रचलित कानुन बमोजिम कडा कारबाही गरिने चेतावनी दिएको छ। नगरपालिकाका अनुसार वर्षायाममा खोलानालाको दोहन गर्दा तटबन्ध र आसपासका बस्तीहरू उच्च जोखिममा पर्ने भएकाले प्राकृतिक स्रोतको संरक्षणका लागि यो कदम चालिएको हो।
​नगरपालिकाले निर्माण व्यवसायी, उपभोक्ता समिति र सर्वसाधारणलाई उक्त सूचनाको पालना गर्न आग्रह गर्दै खोलानालाको प्राकृतिक अवस्था बिग्रन नदिन सहयोग पुर्‍याउन अनुरोध गरेको छ। बर्खाको समयमा नदीजन्य पदार्थको अनधिकृत प्रयोग र ओसारपसार नियन्त्रण गर्न नगरपालिकाले नगर प्रहरी र स्थानीय प्रशासनसँगको समन्वयमा अनुगमन तथा निगरानी बढाउने तयारी समेत गरेको छ।
​प्राकृतिक स्रोतको दिगो व्यवस्थापन र विपद् न्यूनीकरणका लागि नगरपालिकाले हरेक वर्ष वर्षायाममा यस्तो रोक लगाउने गर्दछ।