सूर्यगढी गाउँपालिकाले विकासलाई तीव्रता दिँदै नीति तथा कार्यक्रम कार्यान्वयनमा जोड
सूर्यगढी गाउँपालिकाले विकासलाई तीव्रता दिँदै नीति तथा कार्यक्रम कार्यान्वयनमा जोड
नुवाकोट, असार १५ — नुवाकोटको सूर्यगढी गाउँपालिका ले आर्थिक वर्ष २०८३/०८४ का लागि तय गरिएको नीति तथा कार्यक्रम कार्यान्वयनलाई प्राथमिकतामा राख्दै विकास निर्माणका कामलाई तीव्रता दिएको जनाएको छ। गाउँपालिकाले कृषि, शिक्षा, स्वास्थ्य, पर्यटन, पूर्वाधार, खानेपानी, रोजगार तथा सुशासनलाई मुख्य प्राथमिकतामा राखेर कार्यक्रम सञ्चालन गर्ने तयारी गरेको छ।
गाउँपालिकाले नीति तथा कार्यक्रम तर्जुमाअघि नागरिक, सरोकारवाला तथा विभिन्न क्षेत्रबाट सुझाव संकलन गरी योजनालाई थप सहभागितामूलक बनाएको जनाएको थियो। यसबाट स्थानीय आवश्यकता अनुसार बजेट तथा कार्यक्रम निर्माण गर्न सहयोग पुगेको गाउँपालिकाको विश्वास छ।
गाउँपालिका अध्यक्ष सन्तबहादुर घले (तामाङ) ले विकासलाई परिणाममुखी बनाउँदै शिक्षा, स्वास्थ्य, कृषि उत्पादन वृद्धि, पर्यटन प्रवर्द्धन र रोजगारी सिर्जनालाई विशेष प्राथमिकतामा राखिएको बताएका छन्।
पूर्वाधार विकासअन्तर्गत सडक स्तरोन्नति, ग्रामीण सडक मर्मत, पुल तथा खानेपानी आयोजनालाई निरन्तरता दिइने भएको छ। कृषि क्षेत्रमा आधुनिक प्रविधि, कृषि यान्त्रिकीकरण, फलफूल तथा तरकारी उत्पादन वृद्धि र पशुपालनलाई प्रोत्साहन गर्ने कार्यक्रम सञ्चालन गरिने गाउँपालिकाले जनाएको छ।
स्वास्थ्य क्षेत्रमा आधारभूत स्वास्थ्य सेवाको पहुँच विस्तार, स्वास्थ्य शिविर सञ्चालन तथा आवश्यक उपकरण व्यवस्थापनलाई प्राथमिकता दिइएको छ। शिक्षा क्षेत्रमा विद्यालयको गुणस्तर सुधार, सूचना प्रविधिमैत्री शिक्षण र विद्यार्थीको सिकाइ उपलब्धि वृद्धि गर्ने लक्ष्य लिइएको छ।
पर्यटन विकासका लागि सूर्यगढी क्षेत्रका प्राकृतिक तथा धार्मिक सम्पदाको संरक्षण र प्रवर्द्धन गरी आन्तरिक तथा बाह्य पर्यटक आकर्षित गर्ने योजना पनि गाउँपालिकाले अघि सारेको छ। यसबाट स्थानीय स्तरमा रोजगारी र आयआर्जन बढ्ने अपेक्षा गरिएको छ।
गाउँपालिकाले सेवा प्रवाहलाई थप प्रभावकारी, पारदर्शी र प्रविधिमैत्री बनाउने, सार्वजनिक सुनुवाइ तथा सामाजिक उत्तरदायित्वलाई मजबुत बनाउने नीति पनि लिएको जनाएको छ।
स्थानीयवासीले नीति तथा कार्यक्रम प्रभावकारी रूपमा कार्यान्वयन भएमा सूर्यगढी गाउँपालिकाको समग्र आर्थिक तथा सामाजिक विकासमा सकारात्मक परिवर्तन आउने विश्वास व्यक्त गरेका छन्।
