शनिवारका दिन नवौ झोलमल उत्पादन तालीम मैतिदेवी स्थित जिएमपी फाउण्डेसनको हलमा सम्पन्न भयो । सुरेन्द्र ढकाल प्रतिष्ठानको प्रायोजन तथा आयोजना र रोटरी क्लव डिल्लिवजारको संयोजनमा भएको एक दिने सो तालीममा मैतिदेवी, ज्ञानेश्वर, डिल्लीवजार र घट्टेकुलो क्षेत्रका ५७ जना स्थानीय महिला तथा पुरुषले सहभागिता जनाउनु भएको थियो । रोटरी क्लव डिल्लीवजारका अध्यक्ष सागर निधि तिवारीको अध्यक्षता र स्वागत मन्तब्यबाट सुरुभएको सो तालिम कार्यक्रम प्रतिष्ठानका अध्यक्ष सुरेन्द्र ढकालले प्रयोगात्मक तथा अन्तरक्रियात्मक विधिबाट संचालन गर्नु भएको थियो । प्रयोगात्मक तालीमको उपादेयतावारे जिएमपि फाउण्डेसनका संस्थापक डा. पार्थिवेश्वर प्रसाद तिमिल्सिनाले प्रकाश पार्नु भएको थियो । झोलमल उत्पादन संवन्धी आफनो अनुभव र ब्यवहारले आफनो जीवनमा आएको परिवर्तन वारे सरिता न्यौपानेले जानकारी गराउनु भएको थियो भने झोलमल उत्पादनकोलागि आवश्यक जिवाणुवारे विमना राइले प्रकाश पार्नु भएको थियो । १५ दिन पछि झोलमल उत्पादन हुन शुरु भएपश्चात सो मलको प्रयोग गरी कसरी कौसी तथा करेशावारी कस्ता कस्ता जडिबुटिहरु लगाउन सकिन्छ भन्नेवारेको जानकारी मदन वास्तोलाले दिनु भएको थियो । तालीम कार्यक्रमको मूल्यांकन गर्दै सहभागीहरुको तर्फबाट देवी कार्की अनमोल र खगेन्द्र ढकाल र गजवकुमारी तिमिल्सिनाले यस्तो तालीम कार्यक्रम अति उपयोगी भएको कारण ब्यापकरुपमा घरदैलोमा पुराउनु पर्ने आवश्यकतामा जोड दिनु भएको थियो । कार्यक्रममा सुरेन्द्र ढकाल प्रतिष्ठानका क्रियाकलाप वारे प्रतिष्ठानका मानार्थ सदस्यद्धय संझना पोखरेल र सविता वस्नेत केसीले जानकारी गराउनु भएको थियो । तालीम पश्चात सुरेन्द्र ढकाल प्रतिष्ठानले सबै सहभागीहरुलाई प्रमाणपत्र, एकएकवटा पोलिथिन ड्रम र एक एक वोतल जिवाणुको झोल सौजन्यस्वरुप वितरण गरेको थियो । कार्यक्रमको ब्यवस्थापन पक्षको जिम्मा सुजित थापाको रहेको थियो ।
