प्रचण्ड र लामिछाने भेटले ल्यायो नयाँ तरंग के पाक्न लाग्यो राजनीतिक खिचडी ।
प्रचण्ड र लामिछाने भेटले ल्यायो नयाँ तरंग के पाक्न लाग्यो राजनीतिक खिचडी ।
काठमाडौं, २०८२ भाद्र ४:
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले बुधबार ललितपुरस्थित नख्खु कारागारमा राष्ट्रिय स्वतन्त्र पार्टी (रास्वपा) का सभापति रवि लामिछानेसँग भेट गरेका छन्। भेटपछि प्रचण्डले लामिछानेको भैरहवा कारागारमा बसाइ जटिल रहेको र नख्खुमा स्थिति सहज भएको जानकारी दिएका छन्।
प्रचण्डका अनुसार, लामिछानेले कांग्रेस र एमालेबाट पाएको असुविधा र विभेदको गुनासो व्यक्त गरेका थिए। लामिछानेले अदालतले तोकेको धरौटी राखेर मुद्दा लड्ने सुविधा नपाएको र सत्तारूढ गठबन्धनले आफूप्रति विभेदपूर्ण व्यवहार गरेको प्रचण्डले बताए।
भेटमा राजनीतिक विषयमा पनि छलफल भएको छ। प्रचण्डले भने, “उहाँलाई जतिसक्दो सहज बनाउने प्रयास हो। तर उहाँले देख्नुभयो कि जसरी व्यवहार भयो, त्यसले उहाँ र उहाँको पार्टीलाई राजनीतिक फाइदा पुगिरहेको छ।”
यस भेटले संकेत दिन्छ कि रास्वपा र माओवादी केन्द्रबीच सम्भावित सहकार्यले आगामी सरकारको संरचना र नीतिगत निर्णयमा प्रभाव पार्न सक्छ। राजनीतिक विश्लेषकहरूले यो भेट सरकारको स्थिरता र गठबन्धनको रणनीतिमा महत्वपूर्ण मोड ल्याउने बताउँदैछन्।
बुटवलस्थित सुप्रिम सहकारी ठगी प्रकरणमा संलग्नताको आरोपमा लामिछाने गत चैत २५ गतेदेखि रुपन्देही कारागारमा रहेका थिए र साउन ३१ गते नख्खु कारागारमा स्थानान्तरण भएका थिए।
