बालेन्द्रको वाचा अधुरो, फोहोर समस्या कायमै” रह्यो अधिवक्ता भण्डारी।
बालेन्द्रको वाचा अधुरो, फोहोर समस्या कायमै” रह्यो अधिवक्ता भण्डारी।
काठमाडौँ, १७ कात्तिक २०८२ | नगर विकास अनलाइन
सचेत नागरिक अभियान नेपालका संयोजक अधिवक्ता रामेश्वर भण्डारीले काठमाडौँ उपत्यकामा फोहोर व्यवस्थापन संकट केवल प्रविधिक समस्या नभई राजनीतिक असफलता भएको बताउँछन्। भण्डारीका अनुसार,“काठमाडौँको फोहोर समस्या केवल सफाइको विषय होइन, राजनीतिक उत्तरदायित्वको पनि हो।
मेयर बालेनले गरेको प्रतिबद्धता र मन्त्रालयको पछिल्लो पहलबीच ठूलो भिन्नता देखिन्छ। तत्काल फोहोर उठेपनि दीर्घकालीन समाधान नआए समस्या फेरि दोहोरिन्छ।”भण्डारीको भनाइले यस समस्या प्रशासनिक मात्र नभई राजनीतिक तहमा पनि गंभीर चुनौती भएको संकेत गर्छ।
पहिलो पटक काठमाडौँ बाट महानगरका निर्वाचित भएका मेयर **बालेन्द्र शाह (बालेन)**ले आफ्नो कार्यकालको सुरुवातमै सिसडोल र बञ्चरेडाँडा पुगेका थिए र तत्काल फोहोर व्यवस्थापनको दीर्घ समाधान गर्ने प्रतिज्ञा गरेका थिए। तर स्थानीयहरूले महानगरले फोहोर वर्गीकरण नगरी सिधै फाल्दा समस्या झन् गहिरिँदै गएको बताएका छन्।यसैबीच सहरी विकास मन्त्री कुलमान घिसिङले भनेका छन्,“फोहोर समस्या समाधानका लागि मन्त्रालयले तत्काल स्थानीय माग सम्बोधन गर्छ। यो केवल सफाइ होइन, दीर्घकालीन समाधानको सुरुवात हो।”
हाल फोहोर बोक्ने गाडी सञ्चालनमा आए पनि स्थानीयहरूको विश्वास पुनः जित्न महानगरले ठोस कदम चाल्नुपर्ने देखिन्छ। नीति र व्यवहारबीचको दूरी घटाउन सकेन भने काठमाडौँ फेरि फोहोरको सहरमा परिणत हुन समय लाग्दैन।
