सरकारविरुद्ध सडकमा अनेरास्ववियु, काठमाडौंमा मसाल जुलुस।
सरकारविरुद्ध सडकमा अनेरास्ववियु, काठमाडौंमा मसाल जुलुस
काठमाडौं, बिहीबार।
नेकपा एमाले निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले बिहीबार साँझ काठमाडौंमा सरकारविरुद्ध मसाल जुलुस निकालेर विरोध प्रदर्शन गरेको छ।
सरकारका पछिल्ला निर्णयहरू जनविरोधी भएको आरोप लगाउँदै अनेरास्ववियुले राजधानीका विभिन्न स्थानबाट सुरु भएको जुलुसलाई बीच सडकमा नाराबाजीसहित अघि बढाएको थियो। विद्यार्थीहरूले आर्थिक कुप्रबन्ध, बेरोजगारी वृद्धि र शिक्षाक्षेत्रमा देखिएको अव्यवस्थाप्रति असन्तोष जनाउँदै सरकारको ध्यानाकर्षण गराएका छन्।
अनेरास्ववियुका नेता–कार्यकर्ताहरूले “जनताको पक्षमा काम गर्न सरकारलाई दबाब दिन बाध्य भएका छौं” भन्दै आन्दोलन अझ तीव्र बनाउने चेतावनी समेत दिएका छन्।
